Sky News skýrir frá þessu og segir að fjórmenningarnir hafi ætlað að ógna þeim sem þeir töldu keppinauta sína.
Í annarri árás hlaut kona, sem átti ekki að vera fórnarlamb þeirra, alvarlega áverka og urðu læknar að fjarlægja annað auga hennar eftir að það „bráðnaði“.
Lögreglan segir að fjórmenningarnir hafi ekki sýnt nein merki iðrunar og voru þeir dæmdi í ævilangt fangelsi í síðustu viku fyrir morðið á Foster og önnur afbrot. Leiðtogi þeirra, hinn fertugi Youssef Wynne, á ekki möguleika á reynslulausn fyrr en eftir 33 ár. Kenneth Fawcett, sem er 33 ára, getur sótt um reynslulausn eftir 32 ár. John Wandless, 33 ára, getur sótt um reynslulausn eftir 31 ár og hinn 22 ára Josh Hawthorn getur sótt um reynslulausn eftir 22 ár.
Foster var heima hjá sér ásamt unnustu sinni þegar Fawcett og Wandless knúðu dyra. Þegar hann opnaði úðuðu þeir ammoníaki í andlit hans og fóru síðan ránshendi um íbúð hans.
Foster var fluttur á sjúkrahús en lést skömmu eftir komuna þangað. Dánarorsök hans var hjartaáfall.