Miklir þurrkar herja nú á sunnanverða Afríku og þeir geta orðið þeir verstu í 100 ár. Þetta segir Lola Castro, svæðisstjóri Matvælahjálpar SÞ í sunnanverðri Afríku.

AFP segir að nú síðast hafi neyðarástandi verið lýst yfir í Lesótó vegna þurrka en áður var búið að gera slíkt hið sama í Malaví, Namibíu, Sambíu og Simbabve.

Svo gæti farið að neyðarástandi verði einnig lýst yfir fljótlega í Angóla og Mósambík.

Castro sagði að maísinn sé algjörlega þurr á svæðinu og hafi ekki vaxið neitt. Fólk eigi því í vandræðum við að brauðfæða sig og fjölskyldur sínar.

Þurrkarnir hafa eyðilagt 70% af uppskerunni í Sambíu og 80% í Simbabve.