Sex ára Neanderdalsbarn var þroskaheft samkvæmt nýrri rannsókn á undarlega löguðu eyrnabeini sem fannst í helli á Spáni. Þetta er í fyrsta sinn sem sönnun fæst fyrir því að Down-heilkennið hafi einnig komið fram hjá Neanderdalsmönnum sem voru nánustu ættingjar okkar Homo sapiens.

Barnið, sem hefur verið nefnt Tina, lifði í nokkur ár og bendir það til að þess að hópur hennar hafi hugsað um hana. Þetta sannar að Neanderdalsmenn hugsuðu ekki bara um sjálfa sig einstaklingsbundið heldur önnuðust samferðafólk sitt.

Í rannsókn, sem hefur verið birt í vísindaritinu Science Advances, segja höfundarnir að barnið hafi líklega þarfnast umönnunar í að minnsta kosti 6 ár, sem hafi líklega kallað á að móðir þess hafi þurft aðstoð annarra í hópnum við umönnunina .

Eyrnabein Tina var óreglulegt í lögun en það passar við Down-heilkennið að sögn vísindamannanna. Þeir segja að það sé þörf á erfðafræðirannsókn til að staðfesta með fullri vissu að Tina hafi verið þroskaheft.

Áður var vitað að Neanderdalsmenn önnuðust veika einstaklinga í hópum sínum.