Þetta er stórmerkileg tafla úr leir. Á henni eru áletranir sem lýsa sögulegu flóði sem lenti á Babýlon. Er taflan talin vera meðal elstu bókmennta heimsins.
Live Science segir að saga Gilgamesh hafi hugsanlega komið fram um þrjú þúsund árum fyrir Krist en fyrrgreind tafla er frá sjöundu öld fyrir Krist.
Sagan, sem er höggvin í töfluna, svipar mjög til sögunnar um Örkina hans Nóa í Mósebók. Á töflunni er því lýst hvernig guðirnir sendu flóð til að eyða jörðinni. En einn guð, Ea, gerði Utu-napishtim, leiðtoga gamals konungsríkis, viðvart um þessa fyrirætlun guðanna og sagði honum að smíða sér bát til að bjarga sjálfum sér og fjölskyldu sinni ásamt „fuglum og öðrum dýrategundum“ að því er British Museum segir en safnið telur Gilgamesh töfluna til fastra sýningargripa sinna.
Eins og í sögunni um Örkina hans Nóa, þá sleppa sæfarendurnir fuglum lausum til að sjá hvort að vatnsmagnið hafi minnkað svo mikið að land sé farið að sjást.
Taflan, sem er 15×13 cm) fannst seint á nítjándu öld. Í fyrstu var ekki vitað hvað stóð á henni en vísindamanni hjá British Museum tókst síðar að ráða fram úr því.
