Allen Ray McGrew, 41 árs fjölskyldufaðir, ætlaði að sýna sig fyrir fjölskyldu sinni og nágrönnum á fimmtudaginn þegar Bandaríkjamenn héldu þjóðhátíðardaginn hátíðlegan. Íklæddur fatnaði með þjóðfánamynstri setti hann flugelda, sem búið var að bera eld að kveikiþræðinum, upp á höfuð sér.

Þetta endaði með skelfingu því flugeldarnir sprungu með þeim afleiðingum að McGrew lést samstundis.

NYPost segir að hann hafi staðið fyrir flugeldasýningu fyrir nágranna sína í Summerville í Suður-Karólínu að kvöldi þjóðhátíðardagsins. Hann hafi síðan ætlað að sýna sig fyrir þeim með því að setja flugelda ofan á höfuð sér.

Vitni sögðu að fjölskylda hans hafi grátbeðið hann um að gera þetta ekki en hann hafi ekki hlustað á þær bænir.

Hann var mjög ölvaður þegar þetta gerðist.