The Guardian hefur eftir talsmanni lögreglunnar að húsið hafi verið alelda þegar viðbragðsaðilar komu á vettvang. Tveir drengir, tveggja og fjögurra ára, voru fluttir á sjúkrahús en létust skömmu eftir komuna þangað
Þegar búið var að slökkva eldinn fannst lík systur þeirra sem var 10 mánaða.
Níu ára stúlka og þrír drengir, ellefu, sjö og sex ára, voru flutt á sjúkrahús og er líðan þeirra sögð stöðug.
Móðir barnanna, sem er 29 ára, var lögð inn á sjúkrahús með reykeitrun. Lögreglan segir að reiknað sé með að hún og börnin fjögur nái sér að fullu.
Talsmaður lögreglunnar sagði að málið sé mikil harmleikur. Hann sagði að faðir barnanna hafi verið handtekinn á vettvangi þegar hann reyndi að koma í veg fyrir að viðbragðsaðilar björguðu þeim sem voru inni í húsinu. Hann sagði að lögreglan telji að faðirinn beri ábyrgð á dauða barnanna.