Sabrina Rogers-Anderson starfar sem húðflúrari í Kanada og hefur gert árum saman og hefur því húðflúrað mjög marga.
Byggt á reynslu sinni hvetur hún foreldra til að sleppa því að fá sér húðflúr með nöfnum barna þeirra. Hún bendir á að flestir viti að það er ekki góð hugmynd að fá sér húðflúr með nafni unnustu eða unnusta og það sama eigi við um nöfn barnanna sinna en ástæðan er þó önnur en hvað varðar kærustur og kærasta.
Hún segir að flestir láti eflaust húðflúra nöfn barna sinna á sig af ást og umhyggju fyrir börnunum en hún telur miklar líkur á þegar barnið eldist finnist því vandræðalegt að sjá nafnið sitt húðflúrað á mömmu eða pabba.
„Það eru miklar líkur á að börnin þín verði pirruð á þessari ákvörðun þinni þegar þau ganga á ströndinni með þér og risastórt húðflúrið með nöfnum þeirra er skáletrað á bakinu þínu,“ skrifaði hún á spjallvefnum Netmums að sögn Mirror.
Hún benti einnig á að það sé ekki að ástæðulausu sem húðflúrarar hafi góðar tekjur af að hylja húðflúr með öðru húðflúri og læknar með að fjarlægja húðflúr með leysi.
