Þýskir byggingaverkamenn fundu nýlega 285 silfurpeninga sem voru slegnir á árunum 1499 til 1652. Þeir fundust í skurði þegar verið var að leggja nýtt holræsakerfi í Wettin.

Fjársjóðurinn samanstendur af blöndu af stórum silfurpeningum og erlendum silfurpeningum. Megnið af myntinni er frá Saxlandi en einnig eru sjaldgæfir peninga inn á milli, til dæmis nokkrir frá Schreckenberg en notkun þeirra var svæðisbundin.

Live Science segir að sérfræðingar telji að fjársjóðurinn hafi líklega verið grafinn þegar Þrjátíu ára stríðinu var lokið en það stóð frá 1618 til 1648. Þetta var stríð sem var aðallega háð í Mið-Evrópu. Talið er að stríðið hafi orðið 8 milljónum manna að bana.

Talið er að fjársjóðurinn hafi verið í eigu Johann Dondorf, sem var bæjarstjóri í Wettin í kringum 1660 og var einn ríkasti bæjarbúinn.