Elsta vínið sem fundist hefur í fljótandi formi, fannst á Spáni. Það er rauðbrúnt þrátt fyrir að vera hvítvín. Ástæðan fyrir litnum er að ákveðnar efnabreytingar hafa átt sér stað á þeim 2.000 árum sem eru liðin síðan víninu var hellt í útfararker.

Vínið fannst í rómverskri gröf. Vínið er að sögn vel þroskað og gæti það meðal annars skýrst af því að í útfararkerinu voru meðal annars bein Rómverja.

The Guardian segir að rannsókn sérfræðinga við Córdoba háskólann hafi leitt í ljós að vínið, sem fannst í Farmona í Andalúsíu fyrir fimm árum, hafi verið framleitt þar á svæðinu.

Skýrt er frá niðurstöðu rannsóknarinnar í vísindaritinu Journal of Archaeological Science: Reports. Áður en þetta vín fannst, þá var elsta vínið sem fundist hafði í fljótandi formi hin svokallaða Speyer vínflaska sem fannst í rómverskri gröf nærri þýska bænum Speyer árið 1867. Hún er frá árinu 325 eftir Krist.

Spænska vínið fannst 2019 þegar fjölskylda ein vann að endurbótum á húsi sínu í Carmona. Hún rakst þá á gröf í lóðinni og þegar hún var opnuð fannst vínið.