Þegar lögreglumennirnir komu að heimili hennar fundu þeir bjarndýraskít á sólpallinum, dyrnar höfðu verið brotnar upp og lík Patrice inni í húsinu.
Sky News segir að samkvæmt því sem Mike Fisher, lögreglustjóri, hafi sagt við staðarfjölmiðla þá virðist sem björninn hafi haldið til í húsinu í nokkra daga og étið hluta af líkinu.
Í fyrstu var gengið út frá því að Patrice hefði verið látin þegar björninn kom og að það hafi verið nályktin sem lokkaði hann að húsinu. En krufning og DNA-rannsókn leiddu í ljós að björninn drap Patrice.
Þetta er fyrsta þekkta tilfellið í Kaliforníu þar sem svartbjörn hefur orðið manneskju að bana.