Seinni hluta átjándu aldar og snemma á nítjándu öld bjó maður að nafni Antoni Jaczewski í Kielce, sem er borg nærri Jeleniowskie fjallgarðinum í Póllandi. Hann er sagður hafa verið ævintýramaður sem hafði í sig og á með því að svíkja og blekkja fólk.

Samkvæmt pólskum þjóðsögum þá gat Jaczewski sannfært fólk um lækningamátt sinn sem hann sagðist hafa fengið frá guðsmóðurinni „sem bjó með honum úti í óbyggðum“. Hann blekkti fólk svo til að koma heim til hans en hann bjó í Jeleniowskie fjallgarðinum.

Á þessum tíma geisaði stríð í Póllandi og faraldur herjaði á landið. Blanda af þessu tvennu virðist hafa sannfært fólk um það væri snjallt að leita til Jaczewski. Greiddi fólk honum með gull og silfurmyntum fyrir veitta þjónustu.

Lögreglunni bárust njósnir af þessu og að lokum var hann handtekinn og settur í fangelsi en honum tókst að flýja og hélt áfram fyrri iðju við að blekkja fólk. Hann var handtekinn á nýjan leik 1712 og dæmdur í ævilangt fangelsi.

Live Science segir að síðan hafi liðið rúmlega 300 ár, eða allt til 2022 þegar fjársjóðsleitarmenn, vopnaðir málmleitartæki, hafi fundið fjársjóð Jaczewski, gullið og silfrið sem fólk greiddi honum með. Yfirvöld héldu fundinum leyndum næstu tvö árin og sagði talsmaður Swietkszyska Exploration Group, hópsins sem fann fjársjóðinn, að það hafi verið þess virði að bíða. Nú liggi fyrir að búið sé að staðfest hina sönnu sögu sannrar goðsagnar.