Lögreglumenn, sem voru við hefðbundið eftirlit, lentu í undarlegri lífsreynslu á fimmtudag í síðustu viku. Þeir komu þá að 10-15 körlum sem stóðu við kletta eina og voru að fróa sér.

Þetta gerðist í Greve í Danmörku. TV2 segir að þegar mennirnir hafi orðið lögreglunnar varir hafi margir þeirra hlaupið á brott.

Þegar lögreglumennirnir komu nær staðnum sáu þeir að mennirnir höfðu staðið og horft á nakið par sem var í sólbaði. Virðast mennirnir hafa mætt á staðinn eftir að parið hóf að sóla sig og hafi þeir síðan byrjað að fróa sér. Virðist parið ekki hafa haft neitt á móti þessu.

Enginn var handtekinn vegna málsins en lögreglan bað mennina um að finna sér annan vettvang til að stunda sjálfsfróun.