fbpx
Laugardagur 31.ágúst 2024
Pressan

Óhugnanleg uppgötvun undir húsi eins valdamesta nasistans

Pressan
Miðvikudaginn 8. maí 2024 07:00

Herman Göring lengst til vinstri. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Þýskt áhugafólk um fornleifafræði gerði nýlega óhugnanlega uppgötvun undir gólffjölunum í húsi sem Hermann Göring, sem var einn valdamesti nasistinn á tímum Þriðja ríkisins, átti. Húsið er í Wolfsschanze, sem var ein aðalbækistöð nasista, sem hefur verið hluti af Póllandi síðan síðari heimsstyrjöldinni lauk.

Undir gólfinu fundust fimm beinagrindur og það sem gerir málið enn óhugnanlegra er að á þær vantaði hendur og fætur. Der Spiegel skýrir frá þessu.

Lögreglunni var strax tilkynnt um þetta en rannsókn lögreglunnar leiddi ekki í ljós að glæpur hefði verið framinn nýlega.

Beinagrindurnar eru af þremur fullorðnum, unglingi og ungabarni.

Der Spiegel segist hafa heimildir fyrir að um fjölskyldu geti verið að ræða.

Wolfsschanze var eins og áður sagði ein aðalbækistöð nasista. Á þeim tíma var þetta lítill bær þar sem nasistar bjuggu og var vel gert við þá. Kvikmyndahús var í bænum, kaffihús og loftvarnirnar við hann voru í góðu lagi.

Í dag er svæðið í mikilli niðurníðslu.

Göring gekk næstur Adolf Hitler að völdum. Hann var einn grimmasti handlangari Hitlers en um leið var hann einn vinsælasti leiðtogi nasista. Ástæðan er að hann, ólíkt Hitler, var talinn mjög alþýðlegur og glaðbeittur og af þeim sökum féll almenningi vel við hann.

Hann setti Gestapo á laggirnar sem og fyrstu útrýmingarbúðirnar. Flest þau lög, sem voru sett og beindust gegn gyðingum, eru með hans undirskrift.

Hermenn bandamanna handsömuðu Göring í lok stríðsins og var hann dæmdur til dauða, það átti að hengja hann. En skömmu áður en aftakan átti að fara fram svipti hann sig lífi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sat látin við skrifborðið sitt í nokkra daga og enginn tók eftir því

Sat látin við skrifborðið sitt í nokkra daga og enginn tók eftir því
Pressan
Í gær

Fyrrum forstjóri Netflix hvetur fólk til að vinna ekki svona mikið

Fyrrum forstjóri Netflix hvetur fólk til að vinna ekki svona mikið
Pressan
Fyrir 2 dögum

Lík hans fannst í helli árið 1977 – Nú er loksins búið að bera kennsl á hann

Lík hans fannst í helli árið 1977 – Nú er loksins búið að bera kennsl á hann
Pressan
Fyrir 2 dögum

Ellilífeyrisþegi lét innbrotsþjófinn finna hvar Davíð keypti ölið

Ellilífeyrisþegi lét innbrotsþjófinn finna hvar Davíð keypti ölið
Pressan
Fyrir 3 dögum

Deadpool-morðinginn dæmdur til dauða: „Ég hef aldrei séð neinn jafn illan og hann“

Deadpool-morðinginn dæmdur til dauða: „Ég hef aldrei séð neinn jafn illan og hann“
Pressan
Fyrir 3 dögum

Fara fram á dauðadóm yfir þremur Bandaríkjamönnum

Fara fram á dauðadóm yfir þremur Bandaríkjamönnum
Pressan
Fyrir 4 dögum

Meiri líkur á bílveiki þegar ekið er í rafbíl

Meiri líkur á bílveiki þegar ekið er í rafbíl
Pressan
Fyrir 4 dögum

Hún vinnur við að fjarlægja skapahár en eitt neitar hún að gera

Hún vinnur við að fjarlægja skapahár en eitt neitar hún að gera