Þrjátíu og sjö ára gamall Flórídabúi, Max Azzarello að nafni, hellti yfir sig bensíni fyrir framan dómshús í New York í gær, föstudags, þar sem réttað var yfir Donald Trump Bandaríkjaforseta og kveikti síðan í sér. Almennir borgarar og lögreglumenn náðu að slökkva eldinn nokkru síðar, með jökkum sínum og slökkvitækjum, þar til slökkviliðsmenn bar að garði og var Azzarello fluttur á sjúkrahús í kjölfarið þar sem tvísýnt er um ástand hans. Fjórir lögreglumenn slösuðust lítillega.
Erlendir miðlar greina frá því að Azzarello hafi verið með ýmiskonar samsæriskenningar á heilanum, meðal annars um Bill Clinton, Covid, ýmsa Hollywood-leikara og rafmyntir, og síðasta ár hafi hegðun hans sífellt orðið óútreiknanlegri. Hann gekk um fyrir framan þinghúsið og henti dreifibréfum upp í loftið sem vísuðu á heimasíðu hans þar sem stóð að hann hefði kveikt í sér fyrir framan dómshúsið. Það framkvæmd hann síðan samviskusamlega.
Var Azzrello sannfærður um að svikul og fasísk stjórnvöld undirbyggju alheimsvaldarán og taldi hann Joe Biden, Bandaríkjaforseta, og Donald Trump, fyrrum Bandaríkjaforseta, vinna saman að þessu markmiði.
Talið er að Azzarello hafi ætlað að vekja athygli á kenningum sínum með gjörningnum og ætlunin hafi ekki verið að skaða neinn annan en sjálfan sig. Íkveikjan er því ekki talin hafa beist að Trump né réttarhöldunum.
Fjölmiðlar vestanhafs hafa greint frá tilkynningu lögreglunnar í New York um að Azzarello hafi verið úrskurðaður látinn. Hversu fljótt það var eftir að komið var með hann á sjúkrahús hefur ekki verið gefið upp.
