Þann 19. desember 2023 var 75 ára ekkja franska morðingjans Michel Fourniret, svonefnds Ogre of the Ardennes, fundin sek um hennar þátt í áratuga gamalli nauðgun og morðum á tveimur ungum konum og hvarfi níu ára gamallar stúlku. Hlaut hún lífstíðarfangelsi fyrir.
Monique Olivier viðurkenndi fyrir dómi að hafa aðstoðað látinn eiginmann sinn við að lokka til sín ung fórnarlömb svo hann gæti nauðgað þeim og drepið. „Ég var hundurinn,“ sagði hún.
Olivier var dæmd fyrir að aðstoða eiginmanninn við að ræna, fela og myrða Joanna Parrish, sem var tvítugur breskur nemi, árið 1990 og Marie-Angele Domece, 18 ára, sem hvarf frá Auxerre árið 1988. Nakið lík Parrish fannst í Yonne ánni í miðhluta Frakklands. Hún hafði verið barin, byrluð lyf og nauðgað. Líkamsleifar Domece hafa aldrei fundist.
Olivier var einnig dæmd fyrir þátt sinn í mannráni, haldlagningu og morði á Estelle Mouzin, níu ára, árið 2003, en líkamsleifar hennar hafa ekki fundist.
Snemma í desember sagði Olivier fyrir dómi hvernig hún sat í framsæti bíls hjónanna þegar Fourniret fór í aftursætið til að myrða og nauðga Parrish í maí 1990.
„Eins og hugleysingi gerði ég ekki neitt, ég heyrði hana öskra svolítið, en greip ekki inn í. Þetta var ótti, skelfing, ég gat ekki gert neitt,“ sagði Olivier. Hún sagði einnig fyrir dómi að eiginmaður hennar hefði notað hana sem „beitu“.
Lýsti Olivier lýsti því hvernig hún hefði farið á „veiðar“ til að finna hreinar meyjar fyrir eiginmann sinn. „Ég var hundurinn, ég var aldrei annað en hundurinn sem verður að hlýða.“
Olivier sat þegar af sér lífstíðardóm frá árinu 2008 þar sem hún var dæmd fyrir þátt hennar í fjórum öðrum mannránum og morðum eiginmanns hennar. Árið 2018 var hún dæmd í 20 ár til viðbótar fyrir þátt sinn í öðru morði.
Samkvæmt
bað Roger Parrish, faðir Johanna Parrish, viðstadda um stutta þögn til minningar um öll fórnarlömb Fourniret.
„Við höfum beðið lengi,“ sagði hann. Þegar hann talaði um hvernig Olivier tældi dóttur sína og önnur fórnarlömb sagði hann: „Návist hennar ein og sér fékk fórnarlömbin til að treysta þeim hjónum, því enginn trúir því að kona geti verið völd að svona skelfilegum og siðspilltum verkum.“
Fourniret lést árið 2021, 79 ára að aldri, áður en hægt var að rétta yfir honum fyrir morðin á Parrish, Domece og Mouzin. Hann fékk lífstíðardóm árið 2008 fyrir fyrir að myrða átta stúlkur og ungar konur á árunum 1987 til 2001. Fórnarlömb hans voru á aldrinum 12 til 30 ára, flestum þeirra nauðgaði hann, áður en hann drap þær ýmist með því að skjóta þær, kyrkja eða stinga.
Fourniet játaði á sig 11 morð, þar á meðal morðið á Joanna Parrish, en yfirvöld telja að fórnarlömb hans hafi verið mun fleiri og telja hann bera ábyrgð á minnst 20 öðrum morðum.
