Borgaryfirvöld íhuga nú hvort nauðsynlegt sé að gera ítarlega úttekt á svölum, útsýnispöllum og handriðum meðfram Signu. Ástæðan er að ekki er talið víst að svalirnar og handriðin ráði við þann mikla mannfjölda sem reiknað er með að verði á svæðinu þegar opnunarathöfnin fer fram og því sé hætta á að svalir hrynji.
Reiknað er með að um 300.000 manns verði viðstaddir opnunarathöfnina við Signu.
Það hefur gerst áður að svalir hafa hrunið í París. Síðasta vor slösuðust tveir alvarlega þegar svalir hrundu að hluta í suðausturhluta borgarinnar.
Ólympíuleikarnir verða settir 26. júlí.