Í desember var Brandyn Hargrove, menntaskólakennari, handtekin í Clute í Texas, grunuð um kynferðisofbeldi gagnvart börnum. Hún á yfir höfði sér ákæru fyrir 12 tilvik kynferðisofbeldis gagnvart börnum.

Málin teygja sig allt aftur til 2007 að sögn ABC 13 og KHOU 13.

Hargrove var handtekin eftir að fyrrum nemandi hennar leitaði til lögreglunnar og sagðist hafa átt í ástarsambandi við Hargrove, sem var þá kennarinn hennar, frá því að hún var 15 ára. Stóð sambandið í tvö ár að sögn konunnar en hún er nú á þrítugsaldri.

Sambandið átti sér stað utan skóla en Hargrove var kennari stúlkunnar á þessum tíma.

Hargrove hefur verið vikið frá störfum vegna málsins.

Hún var velliðin í skólanum, hefur meðal annars verið kjörinn kennari ársins.

James Fitch, lögreglustjóri í Clute, sagði í samtali við ABC 13 að því miður komi mál af þessu tagi sífellt oftar upp.