Kona lést og tveir aðrar konur slösuðust þegar stórt jólatré féll á þær í hvassviðri síðastliðinn fimmtudag. Atvikið átti sér stað á jólamarkaði í borginni Oudenaarde í Belgíu.
Atburðarásin náðist á öryggismyndavél og hafa belgískir fjölmiðlar sýnt myndbandið. Á því má sjá fagurlega skreytt jólatréð sem er 20 metra hátt hallast og svo loks falla um koll.
Konan sem lést og þær sem slösuðust voru á jólamarkaði á aðaltorgi borgarinnar þegar tréð féll á þær.
Talsmaður saksóknaraembættisins á svæðinu segir að hin látna hafi verið 63 ára gömul og íbúi í Oudenaarde. Hinar konurnar slösuðust aðeins lítillega en þeir eru einnig íbúar í borginni. Hann segir að það sé til rannsóknar hvort jólatréð hafi verið nægilega vel fest og hversu mikil áhrif veðrið hafði.
Atvikið átti sér stað þegar stormurinn Pía reið yfir Belgíu en gefnar voru út gular viðvaranir vegna veðursins. Pía olli einnig nokkrum usla í Bretlandi og Hollandi en þar lést einnig kona þegar tré féll á hana en þó var ekki um að ræða jólatré.
Reuters greindi frá.
