Þá gekk Kyle Allan, 35 ára, inn um ólæstar dyrnar og við tók hryllingsnótt fyrir konuna. Hann hafði verið í grillveislu hjá vinum sínum og hafði drukkið mikið áfengi.
Allan gekk að konunni og greip um háls hennar. Hún barðist á móti, greip um andlit hans og skegg og reyndi að sparka í klof hans en Allan lét það ekki hafa áhrif á sig og hélt fast um háls hennar þar til hún missti meðvitund.
Sky news segir að Allan hafi síðan barið konuna í höfuðið og líkamann og afklætt hana. Því næst kastaði hann henni á gólfið og nauðgaði henni.
Konan reyndi að flýja út úr húsinu en Allan náði henni og hélt henni fastri. Hann yfirgaf síðan húsið með buxurnar á hælunum.
Fyrir dómi kom fram að hann hefði hótað að drepa konuna og fjölskyldu hennar ef hún hringdi í lögregluna. Konan hringdi í ættingja og vin en bað þá um að láta lögregluna ekki vita því hún hræddist að Allan myndi snúa aftur. En vinur hennar sagði eiginmanni hennar að hringja í neyðarlínuna.
Lögreglan hóf strax rannsókn og var Allan handtekinn daginn eftir.
Allan játaði sök fyrir dómi og var dæmdur í 8 ára fangelsi. Nafn hans mun einnig verða á skrá yfir kynferðisbrotamenn það sem hann á eftir ólifað.