Sprengjusérfræðingar sænsku lögreglunnar voru kallaðar á vettvang þegar lestin var stöðvuð á Hyllie stöðinni í Malmö klukkan 21.46. Farþegum og áhöfn var gert að rýma lestina og lestarstöðin var rýmd og girt af.
Ástæðan var að taska var í óskilum í lestinni og þar sem Svíar eru á háu viðbúnaðarstigi vegna hryðjuverkaógnar var talið hugsanlegt að sprengja væri í henni.
Vélmenni var sent um borð í lestina og dró það töskuna út úr lestinni og opnaði hana síðan á brautarpallinum. Kom þá í ljós að hún var einfaldlega full af saklausum jólagjöfum.
Aðgerðum lögreglunnar lauk klukkan 23.30 en þó ekki alveg því nú er verkefnið að finna eiganda jólagjafanna svo þær komist í réttar hendur um jólin.
