Þegar þjóðarleiðtogar frá öllum heiminum funduðu á loftslagsráðstefnunni Cop26 árið 2021 voru þeir sammála um að draga úr styrkjum við jarðefnaeldsneytisiðnaðinn. En það hefur svo sannarlega ekki gerst. Þvert á móti hefur stuðningur meira en þrefaldast síðan þá.
Reuters skýrir frá þessu og byggir þetta á nýjum tölum frá Alþjóðagjaldeyrissjóðnum.
Fjárhagsstuðningur af þessu tagi er meðal annars ætlaður til vinnslu og dreifingu á jarðefnaeldsneyti á borð við olíu og kol.
Árið 2021 nam stuðningurinn 2.000 milljörðum dollara en er kominn upp í 7.000 milljarða nú.
Kínverjar toppa listann yfir þau ríki sem dæla mestum peningum í iðnaðinn. Þeir styrkja iðnaðinn um 2.200 milljarða dollara á þessu ári. Þar á eftir eru Bandaríkjamenn sem styrkja iðnaðinn um 760 milljarða dollara.