Bandarísk kona sem flaug með Southwest Airlines frá Orlando til Nashville segist miður sín eftir flugið. Segir konan að flugfreyja hafi skammað hana fyrir framan alla farþeganna og sagt klæðnað hennar ekki viðeigandi. 

Maggi Thorne sem er 42 ára gömul ákvað að klæða sig í þægilegt föt fyrir flugið og birti hún myndir á samfélagsmiðlum eftir atvikið til að sýna hverju hún hefði klæðst, svörtum íþróttatoppi og buxum með derhúfu. 

Thorne skrifaði um atvikið á Twitter: „Flugfreyja Southwest Airlines skammaði mig bara fyrir framan farþega með því að segja að klæðnaðurinn minn væri ekki viðeigandi. Bolur og buxur með háu mitti. Flug 1039, er þetta virkilega að gerast árið 2023? Farþegarnir í kringum mig voru orðlausir þegar hún skammaði mig svo allir heyrðu.“

Í framhaldi af tístinu sagði Thorne engan hafa vald yfir hverju maður klæðist og bætti við: „Ég trúi á góðmennsku okkar. Það er óásættanlegt að láta einhvern skamma annan opinberlega fyrir klæðnað viðkomandi (óháð því hver á í hlut).

Í athugasemdum er ljóst að fólk er á báðum áttum og margir sammála flugfreyjunni:

„Þetta er ekki „bolur“ heldur brjóstahaldari,“ sagði einn karlmaður.

„Flugfreyjan vissi eða hélt að þetta væri brjóstahaldari og þess vegna sagði hún eitthvað. Og líklega var öllum sama eða engin heyrði orð hennar. Hún gaf þér ráð sem ekki voru ætluð samfélagsmiðlum. Það ert þú sem ert að smána aðra,“ sagði annar.

Sá þriðji sagði: „Farðu í föt. Þetta er flugvél ekki líkamsræktarstöð. Klæðnaðurinn ætti að vera í samræmi við það.“

Nokkrir voru þó sammála Thorne, þar á meðal einn sem skrifaði: „Þetta var fáránlegt. Klæðnaðurinn þinn var í lagi, flugfreyjan gekk of langt, líkt og þeir sem eru sammála henni.“

Í viðtali við Insider sagði Thorne að hún hefði neitað beiðni flugfreyjunnar um að fara í fleiri föt, þar sem hún vissi að flugfélagið væri ekki með formlega stefnu hvað varðar klæðnað farþega, aðeins leiðbeiningar sem leyfa fólki ekki að „klæðast skítugum, dónalegum eða móðgandi fatnaði.“

„Hún kom og spurði mig um fötin mín og sagði að henni fyndist þau sýna of mikið og ekki vera viðeigandi fyrir flugfélagið. Þetta var ótrúlega vandræðalegt. Ég er ekki vön að standa í deilum, en það sem gerðist er ekki í lagi og einhver ætti að segja eitthvað um það.“

Southwest Airlines sendi í kjölfarið afsökunarbeiðni til Thorne og sagði að kvörtun hefði verið lögð fram fyrir hennar hönd.