fbpx
Föstudagur 04.apríl 2025
Pressan

Stjórnmálaforingi gagnrýndur fyrir að klæðast Hawaii skyrtu

Pressan
Þriðjudaginn 15. ágúst 2023 14:30

Jimmie Åkesson leiðtogi Svíþjóðardemókrata/Wikimedia

Ekki missa af Helstu tíðindum dagsins í pósthólfið þitt

Lesa nánar

Sænski fjölmiðilinn Expressen greinir frá því að Jimmie Åkesson leiðtogi Svíþjóðardemókrata, næst stærsta flokksins á sænska þinginu, hafi síðastliðna helgi verið viðstaddur partý með Hawaii þema á einkaheimili í bænum Sölvesborg.

Meðal annarra gesta var Ulf Hansen, sem er sveitarstjórnarfulltrúi fyrir Svíþjóðardemókrata, og birti hann mynd á samfélagsmiðlum þar sem sjá má m.a. Åkesson klæðast Hawaii skyrtu og strápilsi. Undir myndina ritar blaðafulltrúi flokksins athugasemd um að þetta hafi greinilega verið skemmtilegt partý.

Partýið var haldið á sama tíma og mannskæðir skógareldar geisuðu á Maui-eyju, sem er hluti af Hawaii eyjaklasanum í Kyrrahafi, en nú hefur verið staðfest að 93 manns hafa látist af þeirra völdum. Åkesson hefur hlotið mikla gagnrýni fyrir uppátækið og hefur með því þótt sýna talsverða ónærgætni.

Annika Strandhäll, fyrrum ráðherra sænskra jafnaðarmanna, sagði í færslu á X (áður Twitter) að það væri nóg komið af trúðaskapnum í Svíþjóðardemókrötum. Hún var þá einnig að vísa í mál Richard Jomshof, fyrrverandi ritara og þingmanns flokksins, sem sakaður hefur verið um að ógna þjóðaröryggi Svíþjóðar með fjandsamlegum ummælum um íslam.

Áðurnefndur Ulf Hansen, sem er vinur Jimmie Åkesson, hefur tengsl við mótórhjólaklíkuna Hells Angels sem sökuð hefur verið um margvíslega glæpi. Åkesson hafði áður mælst til þess að allir kjörnir fulltrúar Svíþjóðardemókrata myndu halda sig frá þess konar félagsskap. Ulf Hansen hefur hins vegar hafnað því að gera það og ætlar sér ekki að slíta alfarið tengslin við Hells Angels.

Jimmie Åkesson hefur ekki svarað beiðni Expressen um viðtal en blaðafulltúi flokksins hefur gert lítið úr gagnrýninni.

Ulf Hansen er meðlimur í hljómsveitinni Ultima Thule en öll sveitin var viðstödd partýið. Sveitin segir á Facebook-síðu sinni að Annika Strandhäll sé húmorslaus og að hún virðist halda að gleði og félagsskapur góðra vina sé eitthvað sem leiðtogi Sviþjóðardemókrata hafi ekki rétt á.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur