Þetta er niðurstaða nýrrar rannsóknar að sögn Live Science. Rannsóknin var birt í vísindaritinu Earth System Science Data í apríl.
Í henni kemst alþjóðlegur hópur vísindamanna að þeirri niðurstöðu að frá 1971 til 2020 hafi um 380 zettajúl, eitt zettajúl svarar til um 1.000 milljarða milljarða júla, safnast fyrir vegna hnattrænnar hlýnunar.
Í grein, sem Andrew King og Steven Sherwood loftslagsvísindamenn í Ástralíu, birtu í The Conversation reiknuðu þeir út að 380 zettajúl svari til 25 milljarða faldrar orkunnar sem losnaði úr læðingi þegar „Little Boy“ kjarnorkusprengjunni var varpað á Hiroshima.
En það er mjög athyglisvert í þessu samhengi að orkan sem safnaðist í andrúmsloftið á þessu tímabili er líklega aðeins um 60% heildarlosunar gróðurhúsalofttegunda á þessu sama tímabili. Af þeim sökum er talan líklega mun hærri skrifa King og Sherwood.
En þetta mikla orkumagn er einnig ákveðin ráðgáta því miðað við þessa losun hefði hitastigið á jörðinni átt að hækka mun meira en það hefur gert síðan iðnvæðingin hófst. Hvert fór öll þessi orka?
Samkvæmt niðurstöðum rannsóknarinnar þá hafa heimshöfin dregið 89% af þessari miklu orku í sig og land 6%. 4% hafa brætt freðhvolfið, sem er sá hluti loftslagskerfisins sem telur snjó, hafís, ferskvatnsís, ísjaka, jökla, íshellur og sífrera. Aðeins 1% hefur safnast fyrir í andrúmsloftinu.
