Fötluð og hálfblind kona hefur verið dæmd í þriggja ára fangelsi fyrir manndráp á Englandi. Dómurinn hefur vakið talsverða athygli en konunni var gefið að sök að stuðlað að því að tæplega áttræð hjólreiðarkona varð fyrir bíl með því að benda henni á að koma sér af gangstétt og út á götu. Daily Mail greinir frá.
Sú sem var sakfelld heitir Auriol Grey og er 49 ára gömul. Hún var í göngutúr í bænum Huntingdon í Cambridge-skíri í Englandi þegar hin 77 ára gamla Celia Ward kom hjólandi á móti henni á gangstéttinni. Eins og sást greinilega á upptöku öryggismyndavélar þá Grey vísaði Ward úti á götu með áköfum handabendingum sem hlýddi möglunarlaust.
Nokkrum sekúndum síðar kom bíll á fleygiferð og lenti í árekstri við Ward sem var úrskurðuð látinn á vettvangi þegar viðbragðsaðilar komu á staðinn.
Við réttarhöldin kom fram að félagslegar aðstæður Grey eru mjög erfiðar. Hún er einstæðingur sem á engan að nema einn vin og lagði lögmaður hennar þunga áherslu á að staða hennar væri svo viðkvæm að hún myndi eiga erfitt uppdráttar bak við lás pog slá. Þrátt fyrir það var dómari málsins á því að hún ætti geta gert greinarmun á réttu og röngu enda væru vitsmunir hennar ekki skertir að neinu leyti.
Lögmaður Grey fór fram á að hún yrði laus gegn tryggingu á meðan málinu yrði áfrýjað til æðra dómstigs en á það féllst dómarinn ekki. Benti hann á að Grey hefði ekki sýnt neina iðrun vegna málsins fyrr en málið rataði fyrir dóm.
