Það er misjafnt hvað það kostar að framfleyta sér í borgum og löndum heimsins. Þetta getur auðvitað skipt ferðamenn miklu máli því laun þeirra eru ekki alltaf hlutfallslega í samræmi við framfærslukostnaðinn á áfangastað þeirra. En hvaða borgir eru þær dýrustu?

Þessu er svarað í samantektinni Cost of Living Index sem Numbeo gerði.

Á topp tíu yfir dýrustu borgirnar eru sex svissneskar. Þetta eru Basel, Zurich, Lausanne, Zug og Bern sem eru í öðru til sjötta sæti listans. Genf er í níunda sæti.

Á toppnum trónir Hamilton á Bermúda.

New York er í ellefta sæti en París er í 69. sæti og London í 82. sæti. Tókýó er í 87. sæti.

Á Cost of Living Index er almennt verðlag í 540 borgum um allan heim borið saman. Inni í þessum samanburði er til dæmis verð á matvöru, verð á veitingahúsum og samgöngum. Einnig er húsaleiga tekin með.

Ef borg á listanum fær töluna 120 í útkomu þá þýðir það að Numbeo telur að framfærslukostnaðurinn í henni sé um 20% hærri en í New York og er húsaleiga þá ekki tekin með í reikninginn.

Samkvæmt niðurstöðunni þetta árið þá er um helmingi ódýrara að borða á veitingastað í Tókýó en í New York. Af þeim sökum er Tókýó svona neðarlega á listanum.

Ef litið er á norrænar borgir á listanum þá er Osló í 14. sæti, Reykjavík í 24. sæti,  Kaupmannahöfn í 33. sæti, Stokkhólmur í 110. sæti og Helsinki í 133. sæti.