fbpx
Föstudagur 04.apríl 2025
Pressan

Tekinn af lífi fyrir morð framið 1997 – Hunsaði álit reynslulausnarnefndar

Kristján Kristjánsson
Föstudaginn 26. ágúst 2022 19:00

Aftökubekkur. Mynd:Getty

Ekki missa af Helstu tíðindum dagsins í pósthólfið þitt

Lesa nánar

James Coddington var tekinn af lífi í Oklahoma í gær fyrir morð sem hann framdi 1997. Reynslulausnarnefnd ríkisins hafði mælt með því að hann yrði ekki tekinn af lífi en Kevin Stitt, ríkisstjóri úr röðum Repúblikana, hunsaði álit reynslulausnarnefndarinnar.

Coddington, sem var fimmtugur, var tekinn af lífi í gærmorgun með því að eitri var sprautað í hann.

Hann var dæmdur til dauða fyrir að hafa myrt Albert Hale, 73 ára, með hamri fyrir 25 árum. Þá kom fram í réttarhöldunum að Coddington hefði reiðst mjög þegar Hale vildi ekki láta hann fá peninga til að kaupa kókaín.

Þegar Coddington kom fyrir reynslulausnarnefndina fyrr í mánuðinum bað hann fjölskyldu Hale afsökunar og sagðist vera annar maður í dag en fyrir 25 árum. Hann sagðist vera hættur að neyta eiturlyfja og væri ekki grimmur morðingi. „Ef þessu lýkur í dag með dauða mínum, þá er það í lagi,“ sagði hann.

Mitch Hale, sonur Albert Hale, hvatti nefndina til að mæla ekki með mildun dómsins. Fjölskyldan gæti ekki ýtt málinu frá sér eftir að hafa þjáðst í 25 ár. „Enginn gleðst yfir því að einhver deyi en Coddington valdi þessa leið . . . hann vissi hverjar afleiðingarnar væru, hann kastaði teningnum og tapaði,“ sagði hann að sögn Sky News.

Emma Rolls, verjandi Coddington, sagði reynslulausnarnefndinni að Coddington hafi verið stórskaddaður eftir margra ára misnotkun áfengis og fíkniefna. Sú misnotkun hafi hafist þegar hann var smábarn og faðir hans setti bjór og viskí í pelana hans.

Nefndin greiddi atkvæði um hvort milda ætti dóminn og þannig koma í veg fyrir að Coddington yrði tekinn af lífi. Atkvæði féllu 3-2. En Kevin Stitt, ríkisstjóri, hunsaði niðurstöðuna og vildi ekki fara eftir henni og var Coddington því tekinn af lífi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur