Flestir geyma eflaust ostinn sinn í ísskáp. Sumir geyma ost í hurðinni en það er kannski ekki svo góð hugmynd. Ástæðan er að ostur er mjólkurafurð, eins og allir vita, og það krefst þess að hann sé geymdur í stöðug skilyrði, í kulda og þurru umhverfi. Það á einmitt ekki við um ísskápshurðina. Hún er opnuð margoft yfir daginn og því breytist hitastigið í henni oft og raki nær til hennar. Það myndar ekki kjöraðstæður fyrir ost að því er segir í umfjöllun Tasting Table.
Í stað þess að geyma ostinn í ísskápshurðinni ættir þú að finna honum stað í góðu köldu horni í einni skúffu hans. Margir ísskápar eru meira að segja með skúffur sem eru sérhannaðar til geymslu á ákveðnum vörum, þar á meðal á osti.
En hafðu í huga að það er misjafnt hvernig er best að geyma hinar ýmsu ostategundir. En þær eiga það þó allar sameiginlegt að þær á að geyma í kulda, þar sem hitastigið breytist ekki.
Ostur dregur auðveldlega í sig lykt og því skaltu ganga úr skugga um að ísskápurinn sé hreinn og að skúffan, sem þú setur ostinn í, sé laus við sterka lykt.
Ef þú vilt geyma ost í langan tíma þá er hægt að frysta hann. Þá þarf að hafa í huga að það er mikilvægt að þíða hann upp í ísskáp áður en hann er notaður.
