Nýlega kynnti bandaríski flugvéla- og vopnaframleiðandinn Northrop Grummann Corp nýja langdræga árásarflugvél. Þetta er fyrsta vélin í nýjum flota langdrægra árásarflugvéla bandaríska hersins.

Vélin, sem er af gerðinni B-21, getur borið bæði kjarnorkuvopn og hefðbundin vopn og náð til skotmarka um allan heim.

Hver vél kostar sem svarar til rúmlega 10 milljarða íslenskra króna. Bandaríski flugherinn hefur í hyggju að kaupa að minnsta kosti 100 vélar.

B-21 vélarnar koma í staðinn fyrir B-1 og B-2 sem bandaríski flugherinn notar núna.

Nýja vélin er þannig gerð að mun erfiðara er að sjá hana á ratsjá en aðrar flugvélar. Auk þess verður viðhaldskostnaður hennar minni og þar með rekstrarkostnaðurinn. Er það vegna þess hvaða efni voru notuð við smíði hennar.

Framleiðsla er nú þegar hafin á sex vélum og er reiknað með að sú fyrsta verði flughæf um mitt næsta ár.

Rúmlega 8.000 starfsmenn Northrop Grumman og samstarfsaðila vinna nú við framleiðslu vélanna.