Skipið verður að sögn fljótandi Disney World. Farþegarnir ættu því að geta fundið eitthvað við sitt hæfi, hvort sem það er á leiksvæðum fyrir börn eða í sundlauginni, nú eða á kvöldin og nóttinni fyrir þá fullorðnu.
Disney Cruise Line hefur keypt skemmtiferðaskipið Global Dream en smíði þess stöðvaðist í janúar þegar eigandi þess varð gjaldþrota. En nú verður lokið við smíði skipsins og það í anda Mikka Mús.
Disney á fimm skemmtiferðaskip og á þeim öllum eru Disneyfígúrur í stóru hlutverki, allt frá stórum sölum, skreyttum myndum af þeim, til strompa sem eru skreyttir myndum af Mikka Mús.
Ekki hefur verið tilkynnt hvaða nafn skipið fær þegar Disney tekur það í sína þjónustu. Það mun geta tekið 6.000 farþega og 2.300 manna áhöfn verður um borð.
