Rapparinn Kanye West fær einnig að snúa aftur en honum var úthýst eftir neikvæð ummæli um gyðinga.
Andrew Tate, sem hefur verið nefndur hataðist maðurinn á Internetinu, fær einnig að snúa aftur en hann hefur margoft viðhaft neikvæð ummæli um konur.
Hinn umdeildi kanadíski sálfræðingur Jordan Peterson fær einnig að snúa aftur sem og Marjorie Taylor Greene, þingmaður Repúblikana í fulltrúadeildinni, en hún er einn háværasti stuðningsmaður Donald Trump og hefur tekið heilshugar undir lygar hans um að rangt hafi verið haft við í forsetakosningunum 2020.
Musk vísar til tjáningarfrelsisins þegar hann styður ákvörðun sína um að hleypa þessu fólki aftur inn á Twitter.
En það eru ekki allir sem fá að njóta tjáningarfrelsisins hjá Musk því hann virðist vera með ákveðin mörk, sem einhverjum kann nú að finnast ótrúlegt, sem ekki má fara yfir.
Hann segir að útilokað sé að samsæriskenningasmiðurinn og útvarpsmaðurinn Alex Jones fái að snúa aftur en aðgangi hans var lokað í september 2018 eftir að hann hafði brotið gegn reglum Twitter um það sem mátti birta á miðlinum.
The Guardian segir að Musk hafi rökstutt þessa ákvörðun sína í umræðum við Twitternotendur með því að hann hafi sjálfur misst fyrsta barn sitt fljótlega eftir fæðingu þess. Hann muni því ekki sýna þeim neina miskunn sem notfæra sér dauða barna til að græða peninga, í pólitísku skyni eða til að öðlast frægð. Það er einmitt þetta sem Alex Jones hefur gert með ummælum sínum um fjöldamorðin í Sandy Hook grunnskólanum.
