fbpx
Föstudagur 04.apríl 2025
Pressan

Dularfulla ferðatöskumálið vindur upp á sig – Tvö barnslík fundust

Kristján Kristjánsson
Fimmtudaginn 18. ágúst 2022 06:59

Mynd úr safni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Lögreglan á Nýja-Sjálandi er nú með dularfullt morðmál til rannsóknar. Málið snýst um tvö barnslík sem fundust í ferðatöskum sem fjölskylda ein, sem býr í Auckland, keypti á uppboði nýlega.

DV skýrði frá málinu í gær en þá hafði lögreglan aðeins skýrt frá því að líkamsleifar hefðu fundist í ferðatösku og hafði ekki getið neitt um að um barnslík væri að ræða og hvað þá tvö.

Fjölskyldan keypti ferðatösku á uppboði – Fundu lík í henni

Nýsjálenskir fjölmiðlar skýra frá því í dag að um tvö barnslík sé að ræða. Þetta séu lík barna á grunnskólaaldri.

Fjölskyldan, sem keypti töskurnar, keypti fulla kerru af hlutum á uppboði í geymsluhúsnæði og hafði ekki hugmynd um hvað var í töskunum. Það uppgötvaðist ekki fyrr en heim var komið. Á uppboðinu voru seldir munir úr geymslum sem leiga hafði ekki verið greidd fyrir í einhvern tíma.

Fjölskyldan er ekki grunuð um að tengjast láti barnanna á neinn hátt.

RNZ hefur eftir Tofilau Faamanuia Vaaelua, sem stýrir rannsókn lögreglunnar, að líklega hafi líkin verið í geymslunni í mörg ár. Hann sagði að ekki sé reiknað með að upptökur úr eftirlitsmyndavélum muni koma að gagni við rannsóknina því svo langur tími hafi liðið frá dauða barnanna þar til líkin fundust. Líklega sé búið að eyða upptökum úr geymsluhúsnæðinu frá þessum tíma.

Hann sagði að réttarmeinafræðingar hafi átt í erfiðleikum með að bera kennsl á börnin en talið sé að þau hafi verið á aldrinum 5 til 10 ára. Lík þeirra voru í tveimur ferðatöskum, svipuðum að stærð.

Vaaelua sagði að þrátt fyrir að lögreglan standi frammi fyrir erfiðri rannsókn muni hún ekki leggja árar í bát og muni gera allt sem í hennar valdi stendur til að hafa uppi á þeim sem ber eða bera ábyrgð á dauða barnanna. Rannsóknin sé á frumstigi og mörgum spurningum sé ósvarað.

Hann sagði að lögreglan njóti aðstoðar Alþjóðalögreglunnar Interpol við rannsóknina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi