fbpx
Föstudagur 25.apríl 2025
Pressan

Vopnaður maður reyndi að ryðjast inn á skrifstofur FBI í Ohio – Skotinn til bana

Kristján Kristjánsson
Föstudaginn 12. ágúst 2022 06:00

Merki FBI. Mynd: EPA/MICHAEL REYNOLDS

Ekki missa af Helstu tíðindum dagsins í pósthólfið þitt

Lesa nánar

Vopnaður maður, íklæddur skotheldu vesti, reyndi að ryðjast inn á skrifstofur bandarísku alríkislögreglunnar, FBI, í Cincinnati í Ohio í gær. Maðurinn skaut úr naglabyssu og veifaði AR-15 árásarriffli áður en hann stakk af frá byggingunni í gærmorgun.

Hann flúði 500 kílómetra leið til Clinton County. Þar fann lögreglan hann á kornakri. Hann neitaði að gefast upp og þegar lögreglumenn nálguðust hann dró hann upp skammbyssu og skaut úr henni.

Lögreglan svaraði skothríðinni og skaut manninn til bana að sögn The New York Times.

NBC News segir að kennsl hafi verið borin á árásarmanninn síðdegis í gær. Hann hét Ricky Walter Shiffer. Hefur miðillinn heimildir fyrir að hann hafi tekið þátt í árás stuðningsmanna Donald Trump, þáverandi forseta, á þinghúsið þann 6. janúar á síðasta ári. Það hefur ekki enn verið staðfest opinberlega.

Shiffer birti myndir af sér á samfélagsmiðlum á fjöldafundi Donald Trump daginn áður en ráðist var á þinghúsið og hann hafði lýst yfir stuðningi við Proud Boys, sem eru samtök öfgahægri manna. The Washington Post skýrir frá þessu.

Shiffer skrifaði færslur á Truth Social, samfélagsmiðil Donald Trump, á síðustu dögum um að hann væri að undirbúa árás á FBI. Aðgangi hans þar var eytt í gærkvöldi.

Ekki er vitað hvort árásin í gær tengist húsleitinni sem FBI gerði heima hjá Donald Trump á mánudaginn en stuðningsmenn hans eru mjög óánægðir með hana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu

„Hrúga af einhverju“ og rauðir blettir í illræmdu fangelsi kveiktu óhugnanlega samsæriskenningu
Pressan
Fyrir 2 dögum

Sjúkdómurinn sem getur gert bros óbærilegt

Sjúkdómurinn sem getur gert bros óbærilegt
Pressan
Fyrir 3 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 4 dögum

Deilurnar um Berlín 1948–1949

Deilurnar um Berlín 1948–1949
Pressan
Fyrir 4 dögum

Martraðir gætu verið snemmbúin merki um Parkinsonssjúkdóminn

Martraðir gætu verið snemmbúin merki um Parkinsonssjúkdóminn
Pressan
Fyrir 5 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 5 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“