Samkvæmt því sem segir í umfjöllun People þá kom Bostic að brennandi húsi um miðnæturbil. Hann náði að vekja fjögur börn og koma þeim út úr húsinu. Þau eru á aldrinum 1 til 18 ára.
Börnin sögðu honum að hugsanlega væri 6 ára barn enn inni í húsinu. Hann hikaði ekki og hljóp inn í brennandi húsið. Hann setti peysuna sína fyrir vit sér og hljóp upp á efri hæðina. Hann fann ekki barnið þar en heyrði síðan barnsgrát berast frá neðri hæðinni. Hann hljóp því niður og fann barnið þar.
Þá var reykurinn orðinn svo þykkur og mikill að hann fann ekki útidyrnar. Hann fór því upp aftur, braut rúðu og hoppaði út með barnið í fanginu.
Hluti af þessari hetjudáð hans náðist á upptöku búkmyndavéla lögreglumanna sem voru komnir á vettvang. Á upptökunum sést Bostic koma út með síðasta barnið detta niður og fá síðan aðhlynningu. En þrátt fyrir eiginn kvalir hafði hann mestar áhyggjur af börnunum.
Here’s the video to go along with the story. pic.twitter.com/TvZ5wzCg1f
— LafayetteINPolice (@LafayetteINPD) July 15, 2022
Hann var fluttur á sjúkrahús þar sem gert var að sárum hans og hann fékk meðferð vegna reykeitrunar.
Bæði bæjarstjórinn og lögreglan hafa þakkað honum fyrir hetjudáðina og efnt verður til sérstakrar athafnar þar sem hann verður hylltur. Einnig söfnun hafin á GoFundMe til að aðstoða hann við að greiða sjúkrahúskostnaðinn sem er nú þegar kominn í sem nemur rúmlega 20 milljónum íslenskra króna.
