fbpx
Föstudagur 04.apríl 2025
Pressan

Vekur mikla lukku – Náðu mynd af fjórum tígrisungum

Kristján Kristjánsson
Sunnudaginn 17. júlí 2022 07:30

Þetta er myndin sem gleður og vekur vonir. Mynd:WWF

Ekki missa af Helstu tíðindum dagsins í pósthólfið þitt

Lesa nánar

Sérfræðingar og umhverfisverndarsinnar ráða sér varla fyrir gleði þessa dagana eftir að mynd náðist af tígrisdýri með fjóra unga í regnskógi í Malasíu.

Myndin náðist á vél sem náttúruverndarsamtökin WWF höfðu sett upp. Tæplega 150 tígrisdýr eru eftir í Malasíu og vekur myndin því vonir um að nú sé að takast að snúa hörmulegri þróun við og tígrisdýrum fari að fjölga.

B.T. hefur eftir Bo Øksnebjerg, aðalritara hjá WWF, að þetta bendi til að markvissar aðgerðir gegn veiðiþjófum og frumstæðum gildrum séu farnar að virka. Tígrisdýrin þurfi að vera örugg og búa í heilbrigðu umhverfi til að þau geti fjölgað sér. Þetta sé því mjög gott merki um að árangur sé að nást í Malasíu við vernd tígrisdýra.

Ekki hefur tekist að snúa þróuninni, hvað varðar fækkun tígrisdýra, við í Malasíu ólíkt því sem gerst hefur í Indlandi og Nepal.

Á sjötta áratug síðustu aldar voru rúmlega 3.000 tígrisdýr í Malasíu en fyrir tveimur árum voru þau tæplega 150. Malasísk yfirvöld sögðu fyrr á árinu að tígrisdýr verði útdauð í landinu innan fimm ára ef ekki tekst að snúa þróuninni við.

WWF og fleiri samtök og aðilar hafa unnið mikið starf til að reyna að bjarga tígrisdýrunum frá útrýmingu og hefur meðal annars tekist að fækka gildrum, sem eru ætlaðar til að veiða þau í, um 94% í regnskógum landsins.

Á heimsvísu lifðu 3.200 tígrisdýr frjáls í náttúrunni 2010 og var fjöldinn þá í sögulegu lágmarki. Þá var ákveðið að reyna að tvöfalda fjöldann fyrir 2020. Það náðist ekki en í dag er talið að um 3.900 tígrisdýr lifi frjáls. Þróunin er því í rétta átt þótt hægt sækist.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Í gær

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 2 dögum

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 2 dögum

Leynileg hernaðarskjöl fundust á götu úti í Newcastle

Leynileg hernaðarskjöl fundust á götu úti í Newcastle
Pressan
Fyrir 3 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 3 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Lyklaði bíl frá Teslu og er krafinn um yfir 100 milljónir í bætur

Lyklaði bíl frá Teslu og er krafinn um yfir 100 milljónir í bætur