Það er ekkert að því að fá sér vínglas eða tvö á kvöldin og það getur verið auðvelt að venja sig á það að opna sér flösku þegar komið er heim úr vinnunni. Hins vegar segja sérfræðingar að maður eigi að vera meðvitaður um áfengið sem maður neytir.
Ef maður þarf að brjóta heilann um hvort vaninn geri mann áfengissjúkann, gæti maður átt við vandamál að stríða. Þessu greinir The Sun frá. Martin Preston, stofnandi og forstjóri einkameðferðarstöðvarinnar Delamere, sagði að jafnvel þó maður drekki meira en ráðlagðan skammt áfengis þýði það ekki að maður sé áfengissjúkur.
Mælt er með því að drekka ekki meira en 14 áfengiseiningar á viku og eining er misstór eftir styrkleika áfengissins. Til dæmis inniheldur ein flaska af víni (að meðaltali 13,5 ABV) tíu áfengiseiningar. Martin hélt áfram: „Alkóhólismi skilgreinist ekki af magni áfengis sem einstaklingur neyti, hvaða áfengi hann neitir eða hvenær, heldur af sambandi hans við það.“
Ef áfengisneysla byrjar að hafa áhrif á vinnu eða félagslíf gæti það verið hættumerki. Hann hélt áfram: „Ef maður er farinn að reiða sig á að fá sér drykk á hverju kvöldi til að komast í gegnum vinnudaginn eða ef maður á í erfiðleikum með að skera niður magnið þrátt fyrir neikvæðar afleiðingar, gæti það verið merki um alkóhólisma þrátt fyrir að maður drekki ekki alla daga eða í miklu magni.“
Martin bætti við að ef maður heldur að maður sjálfur eða einhver nákominn manni hafi þróað með sér óheilbrigt samband við áfengi þá eru nokkrir hlutir til að hafa í huga.
Áfengisfíkn einkennist oft af drykkjuáráttu. Martin sagði þetta þýða að einstaklingur sem vill hætta að drekka geti það ekki. Hann útskýrði nánar: „Manneskja sem drekkur eitt vínglas öll kvöld þarf ekkert endilega að hafa áhyggjur, en þegar löngunin í áfengi verður allt sem hún getur hugsað um allt að því að hún getur ekki fengið sig til að hætta, gæti það verið merki þess að hún glími við alkóhólisma.“
