Það eru ýmsar spurningar sem leita á okkur mennina. Meðal þeirra er hvort við erum ein í alheiminum? Er einhver tilgangur með tilvist okkar? Nú eða af hverjum geispum við og af hverju virðist geispi smita út frá sér?

Geispahugleiðingin er þó kannski ekki ein af stóru hugleiðingum lífsins en hefur samt sem áður oft leitað á fólk.

Nú telja vísindamenn sig vera skrefi nær því að vita af hverju við geispum. ScienceAlert skýrir frá þessu. Fram kemur að ný rannsókn hafi leitt í ljóst að hugsanlega sé geispi aðferð sem félagsdýr nota til að samhæfa hegðun sína og ýtir undir sameiginlega árvekni dýranna.

Það er þróunarlíffræðingurinn Andrew Gallup sem gerði nýju rannsóknina en hún byggist á yfirferð yfir fyrri rannsóknir á þessu sviði. Hann komst að þeirri niðurstöðu að geispi sé nátengdur ákveðnum þáttum: til dæmis að vakna, að sofna eða standa upp frá skrifborðinu og fara í mat. Sem sagt þáttum þar sem ákveðin breyting á sér stað.

Í tengslum við breytingar af þessu tagi gefur meiningu að láta aðra í hópnum vita af breytingunni til að heili þeirra geti brugðist við og jafnvel hresst sig aðeins við og þeir jafnvel tekið við verkefninu.

Í samtali við ScienceAlert sagði Gallup að fólk verði betra í að átta sig á hættumerkjum þegar það er nýbúið að sjá einhvern geispa.

Niðurstöður rannsóknarinnar hafa verið birtar í vísindaritinu Animal Behaviour.