Það skaut starfsmönnum matvöruverslana í Tékklandi heldur betur skelk í bringu þegar þeir komust að því bananarnir sem þeir fengu senda í síðustu viku, voru ekki bananar. Einnig að í þeim var kókaín að virði 11 milljarða króna. Haft var samband við lögreglu þegar starfsmenn fóru að finna kókaín þjappað í, undir og á milli banananna. Þegar allir kassarnir höfðu verið skoðaðir kom í ljós um 840 kg af kókaíni. Þessu greinir Newsweek frá.
Bananakassarnir áttu uppruna sinn í Kólumbíu og það átti að taka á móti þeim í þegar þeir komu til Evrópu en höfnuðu í matvöruverslunum áður en það náðist.
Fyrr í vikunni fann fíkniefnalögreglan í Kólumbíu einnig 1300 kg af kókaíni falið í kartöflum, samkvæmt Reuters. Kókaínið var fundið áður en náðist að flytja það úr höfninni í Cartagena til Spánar. „Þetta er líklega frumlegasta flutningsaðferðin sem fíkniefnasmyglarar hafa notað á síðustu árum, þeir földu efnin í óreglulegum mótum til að líkjast cassava ávöxtum,“ segir lögregluþjónn í Kólumbíu.
Uppljóstrari vísaði yfirvöldum til kókaínsins. „Samvinna og aðstoð fólksins sem vinnur í höfnum landsins hefur verið algjört undirstöðuatriði. Við munum halda áfram að vinna saman til að finna þá sem bera ábyrgð og komast að því hver stendur að baki þessar sendingar,“ segir lögregluþjónninn.
