Samkvæmt nýjum gögnum frá Pew Research Center segjast mun fleiri nú en áður vera eða þekkja einhvern sem er transkynja eða kynsegin. Það er að segja, að það kyn sem fólk fékk úthlutað við fæðingu samræmist ekki kynvitund sinni (trans) eða að kynvitund sín samræmist engu tilteknu kyni (kynsegin).

Pew gerði könnun og svöruðu henni meira en tíu þúsund manns í Bandaríkjunum frá 16. til 22. maí þessa árs. Niðurstaðan var sú að 5.1% ungs fólks milli 18 og 29 ára skilgreinir sig transkynja eða kynsegin, um 2% það fyrra og um 3% það seinna.

Ekki eins aldursskipt og búist var við

Einnig fjölgar þeim sem segjast þekkja einhvern trans, 44%, sem er hækkun úr 37% úr svipaðri könnun gerðri árið 2017. Um 20% aðspurðra sögðust þekkja einhvern kynsegin. Hlutfall þeirra sem þekkja einhvern trans er um helmingur fyrir fólk undir 50 ára aldri. Magnað er þó að um þriðjungur þeirra 65 ára eða eldri sem tóku könnunina sögðust þekkja einhvern transkynja.

Eftirtektarvert er einnig það að bilið á milli stuðningsmanna stjórnmálaflokkanna tveggja í Bandaríkjunum sé ekki eins stórt og haldið var. Aðeins sex prósentustig lágu á milli Demókrata og Repúblikana þegar þeir voru spurðir hvort þeir þekki einhvern transkynja.

Þetta er mikið fagnaðarerindi og er tákn um aukin sýnileika trans og og kynsegin fólks í Evrópu og Norður-Ameríku.