Eftir 23 ár af því að borða það sama alla daga er 25 ára kona laus undan áráttunni en að hennar sögn er það þökk sé dáleiðslumeðferð. Í einni breskustu sögu síðari ára hefur Zoe Sadler einhvern veginn náð að lifa nær einungis á samlokum með osti og kartöfluflögum með laukbragði. Hún segist hafa orðið veik af öllum öðrum mat.
„Mamma og pabbi sögðu að ég smakkaði ýmislegt annað þegar ég var ungbarn en að ég ygldi mig eða hreinlega neitaði að setja það upp í mig,“ sagði hin 25 ára Zoe við Metro.
„Það eina sem mamma gat fengið mig til að kyngja var greinilega snakk sem ég saug á þangað til það varð mjúkt. Ég man þegar ég var í skólanum og var alltaf með snakksamlokur í nestisboxinu. Þær voru það eina sem mér fannst gott að borða,“ bætti hún við.
Það voru tveir hlutir sem urðu til þess að hún ákvað að leita sér hjálpar. Það fyrsta var að hún var að gifta sig og vildi með öllum líkindum snæða á einhverju aðeins ríkulegra en venjulega. Svo var hún einnig greind með sjúkdóminn MS og hugsaði með sér að „hún yrði að gæta meiri hollustu.“
Dáleiðslusérfræðingurinn David Kilmurry veitti henni meðferð fyrir svokallaða sértæka átröskun. Hún segir mikinn létti að geta loksins borðað „almennilega máltíð.“
Bragðlaukarnir hennar eru svo sannarlega búnir að þroskast. Hún segist „ekki trúa því hvað jarðarber eru góð“ og að hún hafi meira að segja smakkað chillismokkfisk á veitingastaðnum Wagamama sem var víst „ákaflega sterkur.“
