En mörgum finnst þetta erfitt. Hvar á að byrja? Mun þetta virka hamlandi á lífið sem fólk hefur vanist? Stutta svarið er að það þarf ekki að vera svo erfitt að gera hversdaginn sjálfbærari. Það er er í raun auðvelt og ekki skemmir fyrir að þú getur sparað peninga með því.
Hér eru nokkur ráð sem geta gert lífið sjálfbærara og þar með umhverfisvænna.
Settu lok á pottana. Með því að hafa lok á pottunum þegar verið er að elda þarf aðeins fjórðung af því rafmagni sem þarf annars til að halda 1,5 lítrum af vatni sjóðandi.
Þú skalt fylgjast með hitastiginu í ísskápnum. Hitinn á að vera 4 til 5 gráður. Ef þú lækkar hitastigið um eina gráðu þá eykst rafmagnsnotkunin um 5%.
Afþíddu mat í ísskápnum. Með því að gera það dregurðu úr rafmagnsnotkun ísskápsins því frystivaran gefur frá sér kulda sem dregur úr orkuþörf ísskápsins.
Veldu heimilistæki í orkuflokki A. Heimilistæki eru með orkumerki á bilinu A til G en þau segja til um hversu mikið rafmagn þau nota. Tæki með A-merki notar mun minna rafmagn en samsvarandi tæki með G-merki.
Notaðu sparperur eða LED-perur. Líftími þeirra er allt að átta sinnum lengri en líftími glópera. Þess utan nota þessar perur allt að 75% minna rafmagn en glóperur.
Endurnýttu eða keyptu notað. Það er hægt að gera við marga hluti í staðinn fyrir að henda þeim. Það er líka hægt að kaupa notaða hluti í stað nýrra. Það er ódýrara og þeir eru ekki endilega verri.
Keyptu dýrar vörur. Verð og gæði tengjast oft og gæðavörur endast lengur. Til lengdar er hægt að spara peninga með því að kaup dýrari vörur og um leið hlífir þú umhverfinu því fataframleiðsla er einn af verstu syndurunum hvað varðar umhverfismál.
Sparaðu heita vatnið. Þegar þú ferð í sturtu notar þú um 10 lítra á mínútu. Það er því góð hugmynd að stytta sturtuferðirnar, bæði fyrir veskið og fyrir náttúruna.
Reyndu að nota bakstursofninn eins lítið og hægt er. Bakstursofnar nota mikið rafmagn og því er ódýrara, og þar með betra fyrir umhverfið, að elda matinn í pottum, pönnum eða örbylgjuofni þegar hægt er.
Lækkaðu hitastigið þegar þú þværð þvott. Ef þú lækkar hitastigið aðeins þegar þú þværð þvott hlífir þú umhverfinu og lengir líftíma fatnaðarins. Þú sparar líka rafmagn.
Slökktu á rafmagnstækjunum. Rafmagnstæki nota rafmagn þótt það sé ekki verið að nota þau. Það að hafa þau á „standby“ er ansi stór hluti af rafmagnsnotkuninni. Slökktu því alveg á þeim ef hægt er, til dæmis með því að nota fjöltengi með slökkvara.
