fbpx
Fimmtudagur 24.apríl 2025
Pressan

Þetta kalla bandamenn Bandaríkjanna Joe Biden

Kristján Kristjánsson
Þriðjudaginn 24. ágúst 2021 07:59

Joe Biden.

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að Joe Biden, Bandaríkjaforseti, glími nú við stærstu pólitísku krísu stjórnmálaferils síns sem er nú ansi langur, nær yfir marga áratugi. Ástæðan er staðan í Afganistan í kjölfar ákvörðunar hans um að ljúka brottflutningi Bandaríkjahers frá landinu fyrir lok ágúst. Ákvörðun hans hefur verið sögð vera „rugl“.

Meðal þeirra sem hafa gagnrýnt hann eru Tony Blair, fyrrum forsætisráðherra Bretlands, og forveri hans í Hvíta húsinu, Donald Trump. Ástandið við alþjóðaflugvöllinn í Kabúl er skelfilegt en mörg þúsund manns hafa streymt þangað í þeirri von að komast á brott, ringulreið og ofbeldi setja mark sitt á ástandið utan við völlinn en inni á honum er staðan betri. Flugvöllurinn er á valdi hersveita frá Bandaríkjunum, Bretlandi, Þýskalandi og fleiri löndum.

Tony Blair gagnrýndi Biden um helgina og sagði að ákvörðun hans um að kalla bandaríska herliðið heim væri „rugl“. Blair var náinn samstarfsmaður George W. Bush, þáverandi Bandaríkjaforseta, þegar ákvörðun var tekin um að ráðast inn í Afganistan í kjölfar hryðjuverkaárásanna á Bandaríkin 2001. Blair segir að Biden hafi misst tökin á ástandinu í Afganistan.

Sunday Times sagði á sunnudaginn að innan bresku ríkisstjórnarinnar væri ákvörðun Biden um brotthvarf herliðsins frá Afganistan sögð vera „klikkuð“ og „algjör firring“. Heimildarmaður innan ríkisstjórnarinnar sagði að staðan minnti á bæði fyrri og síðari heimsstyrjöldina þar sem Bandaríkin hafi einnig brugðist, þá með því að koma Evrópu of seint til aðstoðar.

Boris Johnson, forsætisráðherra, er sagður hafa kallað Biden „Sleepy Joe“ en það er viðurnefni sem Donald Trump gaf honum í kosningabaráttunni á síðasta ári. Johnson er sagður hafa sagt að Bretar hefðu frekar viljað hafa Trump í Hvíta húsinu en Biden. Talsmenn Johnson hafa vísað þessu á bug en sérfræðingar segja að ummælin sýni vel hversu mikil spenna ríki á milli Washington og Lundúna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Musk sagður kominn með nóg af pólitíkinni – Þreyttur á árásum vinstrimanna

Musk sagður kominn með nóg af pólitíkinni – Þreyttur á árásum vinstrimanna
Pressan
Fyrir 2 dögum

Innleiða ferðamannaskatt á nýjan leik

Innleiða ferðamannaskatt á nýjan leik
Pressan
Fyrir 2 dögum

Deilurnar um Berlín 1948–1949

Deilurnar um Berlín 1948–1949
Pressan
Fyrir 2 dögum

Martraðir gætu verið snemmbúin merki um Parkinsonssjúkdóminn

Martraðir gætu verið snemmbúin merki um Parkinsonssjúkdóminn
Pressan
Fyrir 5 dögum

Brottrekinn hershöfðingi snýr aftur: Telur að hann verði sendur beint í opinn dauðann

Brottrekinn hershöfðingi snýr aftur: Telur að hann verði sendur beint í opinn dauðann
Pressan
Fyrir 5 dögum

Hún leitaði að móður sinni í sex áratugi – Konan í rauða kjólnum hefur loksins fengið nafn

Hún leitaði að móður sinni í sex áratugi – Konan í rauða kjólnum hefur loksins fengið nafn