fbpx
Miðvikudagur 22.janúar 2025
Pressan

Sífellt fleiri dönsk börn smitast af kórónuveirunni

Kristján Kristjánsson
Mánudaginn 23. ágúst 2021 08:00

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Deltaafbrigði kórónuveirunnar veldur því að börn smitast auðveldar en áður og merki þess sjást í nýjustu tölum danskra heilbrigðisyfirvalda yfir smit í Danmörku. Nú eru börn og ungmenni, yngri en 19 ára, um 41% smitaðra.

Ekstra Bladet hefur eftir Viggo Andreasen, lektor í stærðfræðilegri faraldsfræði við Hróarskelduháskóla, að þetta sé vegna Deltaafbrigðisins sem sé mun meira smitandi en önnur afbrigði veirunnar. „Þetta þýðir að í fyrsta sinn í þessum faraldri erum við í þeirri stöðu að veiran getur smitast í skólum og leikskólum og haldið faraldrinum lifandi, bara með því að börn smita hvert annað,“ sagði hann.

Samkvæmt tölum frá dönsku smitsjúkdómastofnuninni hafa 1.209 börn á aldrinum 0 til 9 ára greinst með veiruna síðustu sjö daga. Hjá 10 til 19 ára voru tilfellin 1.727. Í heildina greindust 7.151 smit þessa daga og þýðir þetta því að um 41% smita hafi verið hjá börnum og ungmennum upp í 19 ára aldur.

Andreasen sagði að það væri frekar nýtilkomið að börn smiti hvert annað. „Fram að þessu var þetta þannig að börn upp í 12 ára smituðu mun minna en fullorðnir,“ sagði hann og bætti við að þau hafi smitað um helmingi minna en fullorðnir.

Hann sagðist telja að smitum muni fjölga meðal skólabarna í haust og vetur. „Það getur verið erfitt að koma í veg fyrir smit meðal skólabarna því jafnvel þótt við herðum sóttvarnarreglur fyrir fullorðna þá geta skólabörn smitað hvert annað. Þannig var það ekki síðasta haust en þannig er staðan núna,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Datt í lukkupottinn í pakkaleiknum – Skipti á vasaljósi og besta vinningnum

Datt í lukkupottinn í pakkaleiknum – Skipti á vasaljósi og besta vinningnum
Pressan
Fyrir 2 dögum

Á yfirborðinu var hún guðhrædd amma en í henni bjó myrkur

Á yfirborðinu var hún guðhrædd amma en í henni bjó myrkur
Pressan
Fyrir 3 dögum

Það er hollast að drekka kaffi á þessum tíma dags

Það er hollast að drekka kaffi á þessum tíma dags
Pressan
Fyrir 3 dögum

Leynd viðvörunarmerki líkamans – 7 snemmbúin merki um Parkinson

Leynd viðvörunarmerki líkamans – 7 snemmbúin merki um Parkinson
Pressan
Fyrir 4 dögum

„Það er svo sannarlega ekki þess virði að veipa“

„Það er svo sannarlega ekki þess virði að veipa“
Pressan
Fyrir 4 dögum

Læknir segir mikilvægt að venja sig af þessu ef blóðþrýstingurinn er of hár

Læknir segir mikilvægt að venja sig af þessu ef blóðþrýstingurinn er of hár