Slæmu fréttirnar eru þær að gögnin sýna að bóluefnið virkar ekki eins vel gegn Deltaafbrigðinu og öðrum afbrigðum veirunnar. Góðu fréttirnar eru hins vegar þær að bóluefnið kemur að miklu leyti í veg fyrir að fólk veikist alvarlega þótt það smitist af Deltaafbrigðinu.
The Times of Israel skýrir frá þessu.
Tölurnar eru því í takt við tölur sem Evrópska lyfjastofnunin, EMA, birti í síðustu viku. Bóluefnið veitir því vernd gegn Deltaafbrigðinu þrátt fyrir að það sé enn meira smitandi en þau afbrigði veirunnar sem bóluefnin voru þróuð gegn í upphafi.
Ísraelsku tölurnar sýna að bóluefnið hafði 98,2% virkni þar í landi hvað varðar að koma í veg fyrir alvarleg veikindi og sjúkrahúsinnlagnir. Nú þegar Deltaafbrigðið hefur tekið yfir sem ráðandi afbrigði í Ísrael er virkni bóluefnisins 93% að sögn The Times of Israel.
Þessar tölur hafa nú orðið til þess að heilbrigðisráðuneytið hefur verið beðið um að gera fleiri rannsóknir þar sem komist verði til botns í hvort þörf sé á því að gefa fólki þriðja skammtinn af bóluefninu.
