fbpx
Föstudagur 25.apríl 2025
Pressan

Mótmælin á Kúbu valda Joe Biden vanda

Kristján Kristjánsson
Fimmtudaginn 15. júlí 2021 21:00

Frá mótmælum í Havana í sumar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Nýleg mótmæli gegn kommúnistastjórninni á Kúbu valda Joe Biden, Bandaríkjaforseta, og stjórn hans ákveðnum vanda því stóra spurningin er hvað sé í raun hægt að gera til að styðja mótmælendur og almenning á Kúbu.

Mótmæli brutust út í borgum og bæjum á Kúbu á sunnudaginn þar sem fólk mótmælti slæmum lífskjörum, matarskorti, lyfjaskorti og slælegum viðbrögðum yfirvalda við heimsfaraldrinum.

Það eru engin ný tíðindi að Kúba glími við efnahagsvanda en hann hefur verið viðvarandi áratugum saman og telja margir ótrúlegt að algjört hrun hafi ekki enn orðið í landinu.

Líf Kúbverja var erfitt áður en heimsfaraldurinn skall á og hefur ekki orðið auðveldari eftir að hann skall á. Þetta á aðallega við um þann þriðjung landsmanna sem er ekki í kommúnistaflokknum og nýtur því ekki góðs af forréttindum flokksmanna eða á ekki ættingja í Bandaríkjunum sem geta stutt þá fjárhagslega.

Kommúnistaflokkurinn hefur nú ráðið lögum og lofu á Kúbu í rúmlega sextíu ár og hefur barið alla andstöðu niður af mikilli hörku.

Eins og venja kúbverskra stjórnvalda er þá var Bandaríkjunum kennt um ástandið þegar Miguel DiazCanel, forseti, ávarpaði þjóðina á sunnudaginn. Hann hvatti síðan stuðningsmenn kommúnistastjórnarinnar til að fara út á götu og mæta mótmælendunum. Lögreglan beitti táragasi gegn þeim og handtók tugi.

Bandarískir fjölmiðlar segja að í Hvíta húsinu viti fólk ekki hvernig á að taka á málefnum Kúbu en í kosningabaráttunni lofaði Biden að breyta „misheppnaðri stefnu Trump“ en enn hefur ekkert gerst. Jen Psaki, talskona Biden, hefur ítrekað sagt að Kúba sé ekki efst á verkefnalista Biden í utanríkismálum, það séu Kína, Afganistan og Rússland hins vegar. En mótmælin breyta þessu væntanlega og ýta Kúbu ofar á listann. Mótmælin gætu orðið til þess að fleiri Kúbverjar reyni að komast til Bandaríkjanna og það sama gæti átt við fólk frá Haíti en ástandið þar er eldfimt eftir morðið á Jovenel Moïse, forseta.

Biden hefur fram að þessu látið nægja að lýsa yfir stuðningi við mótmælendurna og segja þau „hvatningu til frelsis“ en að öðru leyti er stefna hans í málefnum Kúbu mjög óljós.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 2 dögum

Viðtal við tvíburasystur vekur mikla athygli – „Topp 5 besta viðtal allra tíma“

Viðtal við tvíburasystur vekur mikla athygli – „Topp 5 besta viðtal allra tíma“
Pressan
Fyrir 2 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 3 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 4 dögum

Kortlagði hvenær ástarsambönd verða hættuleg – Átta stig sem leiða til morðs

Kortlagði hvenær ástarsambönd verða hættuleg – Átta stig sem leiða til morðs
Pressan
Fyrir 4 dögum

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“

Vill þvinga kvenkyns innflytjendur til að giftast kynsveltum Bandaríkjamönnum – „Ef þið gerið það ekki, munum við senda ykkur til baka“