Tinder hefur sett upp möguleika sem gerir fólki mögulegt að leynast augum annarra. TV2 skýrir frá þessu.
Fram kemur að þetta þýði að fólk getur nú leynt eigin prófíl fyrir fólki að eigin vali. Þetta er hægt að gera með að veita appinu aðgang að nafnalista yfir þá sem notandinn þekkir og síðan velja hverjir þeirra mega ekki sjá prófílinn.
Þetta hljómar eflaust sem góður kostur í eyrum margra en Frode Thuen, sálfræðingur, segir að þessi nýi möguleiki geti gert það að verkum að erfiðara verði fyrir fólk að stofna til sambanda ef það heldur áfram að nota Tinder og feli sig þar fyrir hinum aðilanum í sambandinu og fólkinu sem viðkomandi umgangast. Hann segist því hafa áhyggjur af hvernig þessi nýi möguleiki muni virka og hvort hann geti breytt þeim mörkum sem flestir gera sér um framhjáhald og skilning þess á framhjáhaldi. Þess utan varar hann fólk við að nota Tinder því hann telur að það geti eyðilagt sjálfsmat fólks ef það er ekki mjög fallegt og aðlaðandi. Það geti valdið miklu mótlæti og vonbrigðum.
