fbpx
Þriðjudagur 29.apríl 2025
Pressan

Ný rannsókn varpar ljósi á hvernig er hægt að ná viðvarandi þyngdartapi

Kristján Kristjánsson
Sunnudaginn 16. maí 2021 15:30

Vísindamenn telja sig hafa fundið leið til að viðhalda þyngdartapi. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Þeir sem hafa glímt við aukakíló og reynt að ná þeim af sér vita vel að það er erfitt viðhalda því þyngdartapi sem næst og margir bæta öllum kílóunum eða hluta þeirra á sig á nýjan leik. Nú hafa danskir vísindamenn varpað ljósi á hvernig er hægt að koma í veg fyrir að kílóin setjist aftur á fólk.

„Ef maður léttist þá breyta lystarhormónar sér mjög mikið og senda skilaboð til heilans um að þú sért að deyja úr hungri. Um leið dregur líkaminn úr orkunotkuninni. Þetta gerir að verkum að það er mjög erfitt að viðhalda þyngdartapi því þú ert að vinna gegn þinni eigin líffræði,“ Þetta hefur Jótlandspósturinn eftir Signe Sørensen Torekov, prófessor við Kaupmannahafnarháskóla, en hún stýrði rannsókn vísindamanna við Kaupmannahafnarháskóla og Hvidovre sjúkrahússins á hvernig er hægt að viðhalda þyngdartapi.

Rannsóknin var birt í vísindaritinu New England Journal of Medicine í síðustu viku. Í henni er varpað ljósi á nokkrar leiðir til að viðhalda þyngdartapi. Það er rétt að taka fram að vísindamennirnir fundu ekki töfralausn sem gerir fólki kleift að losna auðveldlega við aukakíló og viðhalda þyngdartapinu. En þeim tókst að sýna fram á hvernig mismunandi aðferðir viðhalda þyngdartapi.

Fullorðnir með BMI á milli 32 og 43 tóku þátt í rannsókninni en BMI tölurnar þýða að fólkið var „feitt“, „mjög feitt“ og í „mjög mikilli yfirþyngd“. Þátttakendurnir byrjuðu á átta vikna kúr þar sem þeir neyttu fárra hitaeininga. Að meðaltali léttust þeir um 13 kíló á þessum tíma. Að þessu átta vikum liðnum var fólkið beðið um að stunda hreyfingu, nota fitulyf, stunda hreyfingu og nota fitulyf eða lifa venjulegu lífi án áherslu á sérstaka aukahreyfingu.

Áhrifaríkasta leiðin til að viðhalda þyngdartapinu reyndist vera að blanda saman hreyfingu og notkun fitulyfja. „Við tókumst á við auknu matarlystina með því að gefa fitulyf sem dregur úr matarlystinni og við tókumst á við minni orkunotkun með því að nota stífa æfingaáætlun. Það var hægt að viðhalda þyngdartapinu með báðum aðferðum og ef þeim var blandað saman voru áhrifin tvöfalt meiri,“ sagði Torekov.

Að meðaltali léttust þeir sem tóku fitulyf og stunduðu æfingar um 16 kíló. Samanburðarhópurinn bætti um helmingi þeirrar þyngdar, sem hann léttist um, aftur á sig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hófdrykkjufólk er í aukinni hættu á að fá krabbamein og hjarta- og æðasjúkdóma

Hófdrykkjufólk er í aukinni hættu á að fá krabbamein og hjarta- og æðasjúkdóma
Pressan
Fyrir 2 dögum

Ekki henda lónni úr þurrkaranum – Hún getur komið að góðu gagni

Ekki henda lónni úr þurrkaranum – Hún getur komið að góðu gagni
Pressan
Fyrir 4 dögum

„Hann veifaði lögfræðigráðu sinni og peningum eins og sverði og skildi til að kúga og þagga niður í þolendum sínum.“

„Hann veifaði lögfræðigráðu sinni og peningum eins og sverði og skildi til að kúga og þagga niður í þolendum sínum.“
Pressan
Fyrir 4 dögum

Faðir skaut níðing sonar síns til bana í beinni útsendingu – Nú opnar sonurinn sig um málið

Faðir skaut níðing sonar síns til bana í beinni útsendingu – Nú opnar sonurinn sig um málið
Pressan
Fyrir 4 dögum

Mikil fækkun á komum erlendra ferðamanna til Bandaríkjanna

Mikil fækkun á komum erlendra ferðamanna til Bandaríkjanna
Pressan
Fyrir 4 dögum

Hundur bjargaði tveggja ára dreng sem ráfaði næturlangt í óbyggðum innan um ljón

Hundur bjargaði tveggja ára dreng sem ráfaði næturlangt í óbyggðum innan um ljón