fbpx
Föstudagur 25.apríl 2025
Pressan

Norður-Kórea rýfur þögnina og varar Bandaríkin við

Kristján Kristjánsson
Þriðjudaginn 16. mars 2021 07:46

Kim Yo-jong og Kim Jong-un. Mynd: EPA-EFE/KCNA

Ekki missa af Helstu tíðindum dagsins í pósthólfið þitt

Lesa nánar

Frá því að Joe Biden og stjórn hans tóku við völdum hefur verið reynt að ná sambandi við stjórnvöld í Norður-Kóreu en þau hafa ekki látið ná í sig og hafa haft hægt um sig í sínu harðlokaða landi. En í gær barst lífsmark frá einræðisríkinu þegar Kim Yo Jong, systir einræðisherrans Kim Jong-un, varaði stjórn Biden við að misstíga sig í fyrstu skrefunum í samskiptunum við einræðisríkið.

Ríkisfréttastofa landsins hafði þá eftir henni að ef Biden og stjórn hans vilji sofa værðarlega næstu fjögur árin verði landið að forðast að styggja Norður-Kóreu. Ummælin falla í tengslum við sameiginlegar heræfingar Bandaríkjanna og Suður-Kóreu í Suður-Kóreu þessa dagana. Mjög hefur verið dregið úr umfangi þeirra frá fyrri æfingum. Tony Blinken, utanríkisráðherra, og Lloyd Austin, varnarmálaráðherra, heimsóttu Suður-Kóreu og Japan nýlega til viðræðna við ráðamenn en sú heimsókn hefur eflaust farið illa í ráðamenn í Norður-Kóreu.

Í gærmorgun sagði Jen Psaki, fjölmiðlafulltrúi Hvíta hússins, að stjórn Biden hefði ítrekað reynt að ná sambandi við Norður-Kóreu eftir ýmsum leiðum en án árangurs. Þessar samskiptaleiðir hafi alltaf virkað fram að þessu.

CNN hefur eftir sérfræðingum að líklegt sé að Norður-Kórea muni ekki svara tilraunum Bandaríkjanna til að taka upp viðræður við einræðisstjórnina að sinni. Fyrir því séu ýmsar ástæður, þar á meðal heimsfaraldurinn, endurskoðun stjórnar Biden á stefnu Bandaríkjanna í garð Norður-Kóreu, heimsóknir bandarísku ráðherranna til nágrannaríkjanna og orðræða einræðisstjórnarinnar.

Stjórn Biden hefur ekki enn opinberað stefnu sína í garð Norður-Kóreu en ólíklegt má teljast að Biden muni senda Kim Jong-un „ástarbréf“ eins og Donald Trump, forveri hans, gerði. Það eina sem hefur í raun komið fram um stefnu Bandaríkjastjórnar í garð Norður-Kóreu er að embættismenn hafa sagt að stefnan sé nú eins og áður að Norður-Kórea afvopnist algjörlega hvað varðar kjarnorkuvopn. Þetta fer að mati sérfræðinga illa í Norður-Kóreumenn og er að þeirra mati ekki til þess fallið að fá þá að samningaborðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára
Pressan
Fyrir 2 dögum

Frans páfi hringdi á þennan stað á hverju einasta kvöldi

Frans páfi hringdi á þennan stað á hverju einasta kvöldi
Pressan
Fyrir 3 dögum

Sæðisrugl – Eignuðust 25-75 börn vegna skorts á reglum

Sæðisrugl – Eignuðust 25-75 börn vegna skorts á reglum
Pressan
Fyrir 3 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 5 dögum

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt

Hver voru fórnarlömb Gilgo Beach morðingjans? – Þetta eru konurnar 7 sem Rex Heuermann er ákærður fyrir að hafa myrt
Pressan
Fyrir 5 dögum

1968 ár stórra atburða: Stúdentauppreisn, geimferðir, stríð og morð

1968 ár stórra atburða: Stúdentauppreisn, geimferðir, stríð og morð