Nýlega var ný drög að nýrri fimm ára áætlun lögð fyrir kínverska þingið. Samkvæmt henni þá getur losun gróðurhúsalofttegunda aukist mikið ef ekki verður gripið til aðgerða til að uppfylla langtímamarkmið landsins.

The Guardian segir að í áætluninni komi ekki mikið fram um hvernig landið, sem losar mest allra landa af gróðurhúsalofttegundum út í andrúmsloftið, ætlar að ná markmiði sínu um enga losun gróðurhúsalofttegunda fyrir 2060 en Xi Jinping, forseti, kynnti það markmið til sögunnar á síðasta ári og sagði þá að losun koltvíildis myndi ná hámarki fyrir 2030.

Zhang Shuwei, aðalhagfræðingur Draworld Environment Research Centre, sagði í samtali við the Guardian að búist hafi verið við metnaðarfullum áætlunum í fimm ára áætluninni um hvernig eigi að draga úr losun gróðurhúsalofttegunda. En ekkert slíkt komi fram í drögum áætlunarinnar.