fbpx
Laugardagur 26.apríl 2025
Pressan

Hvarf Madeleine McCann – Fann lögreglan eitthvað í brunni?

Kristján Kristjánsson
Mánudaginn 1. mars 2021 05:09

Madeleine McCann. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í júní á síðasta ári var skýrt frá því að þýska lögreglan telur sig vita hver nam Madeleine McCann á brott frá sumarleyfisíbúð foreldra hennar í Praia da Luz í byrjun maí 2007. Síðan hefur ekkert til hennar spurst. Lögreglan telur að hún hafi verið myrt og segir að sá sem var að verki sé þýski barnaníðingurinn Christian B.

Hann afplánar nú dóm í Þýskalandi fyrir nauðgun á 72 ára gamalli bandarískri konu í Portúgal 2005. Lögreglan hefur sagt að þau sönnunargögn, sem hún hefur í málinu, byggi ekki á því að lík Madeleine hafi fundist. En ekki er annað vitað en lögreglan vinni hörðum höndum að því að afla nægilegra sönnunargagna til að hægt verði að ákæra Christian B. 

Discovery í Danmörku hefur gert heimildamyndaþáttaröð um hvarf Madeleine og heitir hún: „Grunaður: Madeleine McCann-málið“. Í þáttunum er reynt að kortleggja hvaða sönnunargögn lögreglan hefur og að draga upp betri og nákvæmari mynd af Christian B en gert hefur verið í fjölmiðlum til þessa. Í þriðja þættinum kemur fram að portúgalska lögreglan hafi að beiðni þeirrar þýsku leitað í brunni sem hefur ekki verið notaður árum saman.

Auglýst eftir Madeleine í Portúgal skömmu eftir hvarf hennar. Mynd:Getty

Þetta gerðist aðeins mánuði eftir að tilkynnt var að Christian B. væri grunaður í málinu. Mário Lucas, bóndi sem býr nærri brunninum, sá þegar lögreglumenn komu til að rannsaka brunninn og leita í honum. Hann skýrir frá þessu í þættinum.

„Ég get ekki farið út í þetta í smáatriðum. Ég get staðfest að þetta byggir á upplýsingum sem við fengum frá Þýskalandi sem við sendum til portúgölsku lögreglunnar. En ég get ekki sagt meira um hvað býr að baki eða hvað fannst hugsanlega,“ segir Hans Christian Wolters, saksóknari í málinu, í þættinum.

Í þættinum kemur portúgölsk fréttakona einnig fram en hún hefur fylgst með málinu allt frá upphafi þess 2007. Hún segist sannfærð um að lögreglan hafi leitað að líki eða hlutum af líki því kafari hafi verið með í för.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Unglingar frömdu rán
Pressan
Fyrir 3 dögum

Birtu myndir af 10 ára launsyni Pútín – Sagður mest einmana drengur Rússlands

Birtu myndir af 10 ára launsyni Pútín – Sagður mest einmana drengur Rússlands
Pressan
Fyrir 3 dögum

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára

Ritstjórn stórblaðs segir að Trump hafi nú bætt gráu ofan á svörtustu efnahagsmistök síðari ára
Pressan
Fyrir 4 dögum

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu

Hún afplánar 15 lífstíðardóma fyrir morð á kornabörnum – Nýfundinn tölvupóstur gæti kollvarpað málinu
Pressan
Fyrir 4 dögum

Fékk 68 milljónir í vasapeninga á mánuði frá tengdamömmu sinni – Vildi meira

Fékk 68 milljónir í vasapeninga á mánuði frá tengdamömmu sinni – Vildi meira
Pressan
Fyrir 5 dögum

Fékk fjölskylduauðinn í arf þegar faðir hans lést – Síðan komst upp um hann

Fékk fjölskylduauðinn í arf þegar faðir hans lést – Síðan komst upp um hann
Pressan
Fyrir 5 dögum

Mannfræðingurinn forvitni sem sagðist hafa séð ótrúlegar sýnir á forboðnu svæði

Mannfræðingurinn forvitni sem sagðist hafa séð ótrúlegar sýnir á forboðnu svæði